Izoh.uz сайтида равшан сўзининг изоҳи ва маънолари

равшан

Сўзни дўстлар
билан улашинг

сифат

1. Яхши ёритилган, ёп-ёруғ.

2. Яхши кўрадиган, ўткир (кўз ҳақида).

3. кўчма Аниқ, тушунарли, тушуниш осон бўлган.

Равшан фикр. Равшан жавоб. Фикри равшаннинг сўзи равшан. Мақол
Онанинг барча ташвишли ўйлари совун кўпигидай ўчди. Воқеа равшан эди. Шуҳрат, Шинелли йиллар
Демак, масаланинг бир томони равшан, энди иккинчи томонини ўйлаб кўриш керак. А. Обиджон, Аканг қарағай Гулмат
Элмуроднинг кўнглидан: бу подшолар ҳам ёмон экан-да, деган фикр ўтди, унинг гўдак ақли буни равшан ифодалашга ожиз эди. П. Турсун, Ўқитувчи

4. кўчма Кўзга яққол ташланадиган; очиқ-ойдин, аниқ, яққол.

Равшан сурат.
Ойлар, йиллар ўтиши билан менинг кўзимга бу нарса очиқ-ойдин, равшан кўрина бошлади. Ёшлик
Ойдинда уларнинг паранжили иккита хотин эканлиги равшан кўриниб турар эди. М. Исмоилий, Фарғона тонг отгунча

5. кесим взф. кўчма Яшириб, сир тутиб бўлмайди, маълум, ошкор.

Бунинг хатолиги равшан.
— Аҳволимиз сизга равшан, — бемор йўтала-йўтала, чолга ишорат қилди. Ойбек, Танланган асарлар

6. Равшан (эркаклар ва хотин-қизлар исми).

Ёрқин нур сочадиган; ёруғ, ёрқин.

Равшан чироқ. Равшан ёнмоқ.
Олдинда қишлоқ чироқлари равшан порлаб, кўзни қамаштиради. Ў. Усмонов, Сирли соҳил

Кўнгли (ёки дили, таъби, табиати, дунёси) равшан бўлмоқ (ёки топмоқ)

Кўнглида хафачилик ёки шубҳа аломати қолмаслик, кўнгли, дили ёришмоқ, кўнгли тинчимоқ.

[Ғуломжон] Отасининг хуррагини эшитиб, кўнгли равшан топди. М. Исмоилий, Фарғона тонг отгунча
Раҳматилла унинг хуш қабул қилишидан, муомалаларидан кўп саволларига жавоб топди, дунёси равшан бўлди. А. Қаҳҳор, Қўшчинор чироқлари
Умид уйқудан кўз очиб, ғариб, аммо ҳамма ёғи чиннидек озода бир уйда бўлганидан кўнгли равшан тортди. Мирмуҳсин, Умид

Кўнглини (ёки таъбини) равшан қилмоқ

Кўнгилдаги хафагарчиликни, шубҳани йўқотмоқ, кўнглини тинчитмоқ, кўнглини, дилини очмоқ.