dabdala

Soat yerga tushib dabdala boʻldi.

Shofyor minaga duch kelib dabdala boʻlgan mashina yaqinida jonsiz yotardi. V. Gʻofurov, Vafodor;

Bombardimonlar natijasida shaharlar dabdala boʻlgan edi;

Nuqul qirra tosh, shagʻalli togʻlarda etik, botinkalarimiz yirtilib dabdala boʻlib, tagcharmining sogʻ joyi qolmadi. T. Rustamov, Mangu jasorat

Bashirjon ancha dadillandi. Choʻntagidagi muqovasi titilib, dabdalasi chiqib ketgan oʻsha yondaftarchani varaqladi. N. Aminov, Qahqaha;

Kaltak yeb dabdala boʻldi.

Men yakka, dushmanim edi bir gala; Belim, oyoqlarim boʻldi dabdala. Mirtemir, Asarlar;

Dehqon zoti borki, hozir qon yigʻlab yotibdi: dabdala boʻlib, kukuni chiqib yotgan yerlarni koʻrib, odam tugul mol-jonivorlarga ham titroq tushyapti. A. Muxtor, Chinor

Laʼlixon ishdan chetlatildi; asablari dabdala boʻlgan Joʻraqulov yana jangga kirdi. Mirmuhsin, Ildizlar va yaproqlar;

Dadaboyning baland boʻlib dabdabasi, Oxir chiqdi dabdabasin dabdalasi. Mushtum

Guvohlarning dabdalasi chiqqandan keyin Gʻulomjon dedi M. Ismoiliy, Fargʻona tong otguncha.

Telefon simlarini dabdala qilib tashlashgan B. Rahmonov, Mardlar qissasi

Germaniyaning eski chegarasidagi istehkomlar ham turish berolmadi. Aviatsiya osmondan dabdala qildi. Shuhrat, Shinelli yillar

Ana-mana deguncha sel hamma yoqni dabdala qildi. I. Mirzayev, Toʻyboshilar;

Ha, aytganday, agar yomonlikka olsam, hozir urib, basharangizni dabdala qilar edim. A. Qahhor, Qoʻshchi-nor chiroqlari

Siz qoʻy, demaganingizda, ogʻzi-burnini dabdala qilib, alamdan chiqay degan edim. P. Tursun, Oʻqituvchi

Aft-basharasini dabdala qildi. S. Anorboyev, Oqsoy

Kun botsa bas. Dard bilan ozor Qiz yuragin qilar dabdala. O. Hojiyeva, Hayotga taʼzim